Аилатәараҟны Адҵаҟаҵаҩ хада адҵа риҭеит амчқәа зегьы атәыла ашәарҭадареи ахьчареи алзыршо амобилизациатә зыҟаҵара иақәнагоу аҩаӡараҟынӡа адгылара аҭара иазыркырц.
13.Жьҭаара.2022
АԤСНЫ АҲӘЫНҬҚАРРА, АРБЏЬАР МЧҚӘА РЫДҴАҞАҴАҨ ХАДА АСЛАН БЖЬАНИА АДГЬЫЛҴАКЫРАТӘ ХЬЧАРА ИАЗКЫЗ АШТАБ АИЛАТӘАРА ДАЛАХӘЫН.
Аҟәа. Жьҭаарамза 13, 2022 шықәса. Аԥсныпресс. Аԥсны Аҳәынҭқарра Ахада, Аԥсны Аҳәынҭқарра Арбџьар мчқәа рыдҵаҟаҵаҩ хада Аслан Бжьаниа адгьылҵакыратә хьчара иазкыз аштаб аилатәара далахәын.
Амчратә блок алархәны атәылахьчараҟны имҩаԥысыз аилатәараҟны иалацәажәеит арра-политикатә ҭагылазаашьа. Ирзыӡырҩит амобилизациатә зыҟаҵара, ар рматериалтә – техникатә еиқәыршәара аиӷьтәра иазкыз ажәахәқәа.
