Аиқәшаҳаҭра анапаҵыҩра ацеремониа мҩаԥысит Москва ақалақь, Г. В. Плеханов ихьӡ зху Урыстәылатәи аекономикатә Университет аҿы имҩаԥысыз Урыстәылазегьтәи астуденттә спорттә клубқәа рфорум аҳәаақәа ирҭагӡаны.   

Аусшәҟәы рнапы аҵарҩит ААУ анапхгараҭареи Урыстәылазегьтәи аҿартә уаажәларратә еиҿкаара «Урыстәыла астудентцәа рыспорттә клубқәа реидгыла» анагӡаратә директор Сергеи Владимир-иԥа Криукови.

Ацеремониа аҿы Аԥснытәи аҳәынҭқарратә Университет ахаҭарнакс дықәгылеит ААУ Аспортклуб ахантәаҩы Инга Карчаа.

Аусшәҟәы иарбоуп — аспорттә усмҩаԥгатәқәа реицеиҿкаареи, аԥышәа аимдареи, астудентцәа рыбжьара аспорт рыларҵәареи.

Урыстәыла астудентцәа рыспорттә клубқәа рассоциациа ауниверситет аметодологиатәи аконсалтингтәи цхыраара ҟанаҵоит, Аԥснытәи Аҳәынҭқарратә университет еицырзеиԥшу апроектқәа рынагӡаразы аинфраструктура рыднагалоит.