«Ареспублика Аԥсны ахәыҷра анавигаторцәа» – ааӡараҿы абжьгаҩцәас аҟалареи Аԥсны ашколқәа рҿы аҵарадырратә усура иҿыцу аҩаӡарахь анагареи золшо аҟыбаҩ злоу аспециалистцәа рыԥшаареи разыҟаҵареи иазырхоу апроект ауп. Алкаара ихадоу акритериақәа иреиуоуп аԥсуа бызшәа адырра.
Уи иалахәын хгәыԥкны еихшаз 24-ҩык азыҳәаҩцәа. Дара рзанааҭтә ҟазара аадырԥшуан апедагогикатә дҵақәеи аинновациатә ӡбарақәеи нагӡо ҳәа аанацҳауеит Аҵара аминистрра.
Ақәгыларақәа ахәшьара рырҭон Аԥсни Урыстәылеи иналукааша рыспециалистцәа злахәыз аексперттә жиури:
- Гәынба Хана Владимир-иԥҳа, Аԥсны аҵара аминистр;
- Кәакәасқьыр Ирина Константин-иԥҳа, Н. Х. Аӡынба ихьӡ зху апедагогика Аинститут адиректор;
- Ашәба Арда Енвер-иԥа, Д.И.Гәлиа ихьӡ зху Аԥсны Анаукақәа Ракадемиа аҟны иҟоу агуманитартә ҭҵаарақа Ринститут адиректор;
- Кәарҷелиа Аида Дмитри-иԥҳа, Н. А. Лакоба ихьӡ зху аҟәатәи абжьаратәи Ашьхарыуаа рышкол №10 адиректор;
- Киреченков Геннади Анатоли-иԥа, Афедералтә Ҳәынҭқарратә Биуџьеттә Усбарҭа «Росдетцентр» Аҵаратә центр адиректор ихаҭыԥуаҩ;
- Зассеева Анна Дзамболат-иԥҳа, Афедералтә Ҳәынҭқарратә Биуџьеттә Усбарҭа «Росдетцентр» Аҵаратә центр аметодикатә усбарҭа аиҳабы;
- Шачнева Анастасиа Игор-иԥҳа, Афедералтә Ҳәынҭқарратә Биуџьеттә Усбарҭа «Росдетцентр» Аҵаратә центр жәларбжьаратәи аусеицура аҟәша аиҳабы.
Аконкурс «Ареспублика Аԥсны ахәыҷра анавигаторцәа» ахықәкы хадақәа иреиуоуп ауаажәларра аҵарадырра, аҵарадырра асистема аресурсқәеи аихьӡарақәеи рдемонстрациа аганахьала асоциалтә ҵакы змоу апроектқәа радыԥхьалара;
- Ареспублика Аԥсны ахеиԥҵараиурҭақәа рааӡаратә потенциал ашьҭыхра адгылара аҭара;
- Итрадициатә ааӡара азҵаарақәа, апедагогикатә, асоциокультуратә усура, иара убас иҿыцу апсихологиа-педагогикатә методикақәа, аҵаҩцәа итрадициатәу рааӡара аганахьала атехнологиақәа, иреиӷьу аинновацатә ԥышәа аларҵәара.
Аконкурс аиҿкаара рхахьы иргеит – Ареспублика Аԥсны аҵара Аминистрреи Урыстәыла аҵара Аминистрреи «Урыстәылатәи ахәыҷтәы-қәыԥштә центри».
