«1914 шықәсазы иргылаз, ареспублика аҭоурых-культуратә ҭынха аобиектқәа рсиа иану аҳазҩнду ахаҿра – иазымхо адекоративтә елементқәа реиҭашьақәыргылара зцу ареставрациа азыԥшуп. Иара убас апроект ала иазԥхьагәаҭоуп ахыби аԥенџьырқәеи рыԥсахра, ауадақәа зегьы шьаҭанкыла реиҭашьақәыргылара (12 амузыкатә классқәа, 2 акттә зали административтә уадақәеи), аинтериерқәеи ахыбра акоммуникациақәеи  рырҿыцра иазку комплексла имҩаԥгахо аусурақәа (ашәратә усурақәа, адашьмеи ашәқәеи рыԥсахра уахь иналаҵаны)», – ҳәа адырра ҟанаҵоит Урыстәыла акультура Аминистрра.

Аобиект иаду аҵакырагьы убасҵәҟьа аиқәыршәазаара иазку аусурақәа мҩаԥгахоит – адәаҿы ариаҵәаратә усурақәа мҩаԥгахоит, аҵиаа ҿыцқәа еиҭаҳахоит, иҟоу рҽеихоит, арысӡқәа ргылахоит, арлашара мҩаԥгахоит, ихымԥадатәиу аҭхкаарақәа ҟаҵахоит, иара убас ашьаҟамҩақәа хаҳәцәыла ичаԥахоит.

Убри анаҩс, иаахәахоит иҿыцу амузыкатә рҳәагақәа: аконцерттәи акабинеттәи  ароиалқәа, акустикатәи ацифратәи апианино, ацифртә фортепиано, еиуеиԥшым асгатәи аԥсыԥтәи аинструментқәа, иара убас еиуеиԥшым аҩнымаҭәеи аҵаратә процесс аиҿкааразы ҳаамҭа иақәшәо аиқәыршәагақәеи.

Апроект анагӡара ахәԥса иааидкыланы 300 миллион мааҭ рҟынӡа инаӡоит.