Екатерина Синиавскаиа диит жьҭаарамза  10, 1922 шықәса рзы, Красноиарсктәи атәылаҿацә, Ирбеисктәи араион, Хомутовка ақыҭа аҿы. Ԥыҭрак ашьҭахь лан лчымазара иахҟьаны уи лҭаацәа зегьы нхара ҳәа Аԥсныҟа иааит. 1942 шықәсазы Екатерина Синиавскаиа Ар Ҟаԥшь архәҭақәа дрылалеит. Раԥхьа уи аԥшыхәыҩ-харашәагаҩыс дыҟан, анаҩс априборхылаԥшҩыси аимадаҩыси дҟалеит. Иаалырԥшыз активра азы уи зны абатареиа, анаҩс адевизиони хазы игоу аҵәҩанҵәхысга-хыԥсаҟьагатә баталиони  ркомсоргс дҟаҵан. Арратә уалԥшьа налыгӡон Кавказнҭыҵтәи аҳаиртә хыхьчара афронт аҿы, уи абаталион аилазаараҿы аҳаиртә ҵакыра афашисттә авиациа ақәыларақәа рҟынтәи  рацәыхьчара далахәын.

Иапониатәи аибашьра далахәын. 1945 шықәсазы Екатерина Сениавскаиа лырратә маҵзура ахьыналыгӡоз аҵәҩанҵәхысга-хыԥсаҟьагатә баталион актәи Харатәи Амрагылара афронт аилазаара иалалеит.

Илымоуп арратә ҳамҭақәа: Аџьынџьтәылатәи еибашьра аорден II аҩаӡара, «Аибашьратә лшамҭа азы», «Кавказ ахьчаразы», «Германиа Аиааира азы», «Иапониа Аиааира азы»  амедалқәа ланашьоуп.