Аҟәа. Жьҭаарамза 7, 2022 шықәса. Аԥсныпресс /Алеқсеи Шамба/. Иахьа амультимедиатә пресс-центр Sputnik Аԥсны аҿы Жәларбжьаратәи аинформациатә Агентра «Урыстәыла иахьа» анагӡратә директор Кирилл Вышински ареспублика амассатә информациатә хархәагақәа русзуҩцәа рзы амастер-класс мҩаԥигеит. Амастер-класс атема: «Ажәабжь ҿыц арепортаж даара аинтерес аҵаны иҟаларц азы иҟаҵатәузеи. Афырхаҵа дызлаху асиужет».
Еицырдыруа ажурналист ҳаамҭазтәи ажәабжьҿыцтәи ажурналистика аҿы акырӡа аҵанакуеит излауа ала ирццакны адырраҭара аҟаҵара, аха зегьы раԥхьа уи аҟаҵара есымша изалыршахом ҳәа инаҵшьны иазгәеиҭеит. Ус анакәха зегьы иреиӷьны адырраҭара хымԥадатәиуп, даҽакала иуҳәозар, зегьы еиҭарҳәахьо ажәабжь зегьы раасҭа аинтерес аҵаны азнагара алыршатәуп.
Кирилл Вышински иажәақәа рыла, аинформациатә репортаж акырӡа аинтерес аҵалоит уи зхатәы ҭоурых еиҭазҳәо афырхаҵа далагалазар, избан акәзар, ауаа реиҳараҩык рзы зегьы раасҭа аинтерес аҵоуп, ус иуҳәар алшозар, «ацаԥха ҭаҵарҭа ала» егьырҭ рышьклаԥшра.
Ажурналист амастер-класс иалахәыз алабҿабатә схема ала афырхаҵа асиужет иалагалара, уи ахәаԥшцәа рызнагара, аемоциақәа, афактқәа, аексперттә хәшьарақәа, уҳәа рыбжьара агармониа шыԥшаатәу, аинформациатә материал иаку асахьа аԥҵаразы арепортаж шхыркәшатәу дирбеит.
Аҿырԥштәы аҳасабала, Кирилл Вышински иԥкааны изыӡырҩцәа идирбеит 1943 шықәсазы Мраҭатәашәаратәи Украина иҟалаз украинатәи ақәгыларатә ар ала массала аполиактәи уааԥсыра рықәхра аахыс 70- шықәса аҵра иазкны 2013 шықәсазы иҟаиҵаз арепортаж.
Амастер-класс аинформациатә Агентстра Sputnik аԥшьгарала еиҿкааз арккаратә проект SputnikPro аҳәаақәа ирҭагӡаны имҩаԥысит.
