Урыстәылатәи Афедерациа аҵара аминистр дара аҵарадырра аусхкқәа зегьы рҿы акыршықәсалатәи аусеицуразы ишаарту ирҵабыргит.
Иара иажәақәа рыла, аусмҩаԥгатәқәа 63 еиҿыркаахьеит, урҭ рыбжьара иҟоуп Аԥсны 27 школ рҟынетәи 540-ҩык инарзынаԥшуа арҵаҩцәа рзы аинтерактивтә рҵаратә цхыраагӡақәа рыла аусура иазку акурсқәа, иара убас 800-ҩык рҟынӡа злахәхо аурыс бызшәазы аолимпиада, уи аҿы аиааира згаз ацентр «Смена» аҿы имҩаԥысраны иҟоу аурыс бызшәеи акультуреи рфестиваль иалахәхар рылшоит.
2025 шықәсазы азԥхьагәаҭоупаҵарадырратә аԥшьгарақәа, аԥснытәи астудентцәа рзы Жәларбжьаратәи аҵарадырратә школи ареспублика ашколхәыҷқәа рзы аурыс бызшәеи алитературеи рзы аолимпиадеи уахь иналаҵаны.
2021 – 2023 шш.Урыстәылатәи Афедерациа аҵара Аминистрра УА Ахада инапынҵала Аԥсныҟа ашколқәа рахь арҵагатә шәҟәқәа раагара еиҿнакааит. Зынӡа иааган 228 556 екземплиар арҵагатә материалқәа.
Жәабранмза, 2025 шықәсазы адыррақәа рцентр «Машук» аҿы Аԥсны аҵараиурҭақәа рнапхгаҩцәа рзы раԥхьатәи аусмҩаԥгатә «ПРО Образование» мҩԥысит. Сергеи Кравцов анаҩстәи аусмҩаԥгатә аиҿкаареи уи аусуратә программа аиқәыршәареи рҿы ацхыраара шыҟаиҵо иҳәеит.
Иаарту аҵарадырра Ацентр абазала Аԥсны аҽазыҟаҵарақәа ирхысит 630-ҩык инарзынаԥшуа арҵаҩцәа. педагогов. Кравцов Аԥсны иҟоу Иаарту аҵарадырра ацентр аҟны 400-ҩык арҵаҩцәа разыҟаҵараҿы ацхыраара аҟаҵара ишазхиоу азгәеиҭеит.
Иара убас, аусмҩаԥгатәқәа ирылоуп зцәажәара еилагоу ахәыҷқәа рыхәшәтәразы аспециалистцәа рзы акурсқәа рымҩаԥгара.
