Адныҳәалараҿы, ҷыдала, иазгәаҭоуп:
«Ари аныҳәа милаҭрацәалатәи Урыстәыла ажәлар ракзаареи рдоуҳатә гәамчӷәӷәареи, апатриотизми аиашареи рыхьчареи ирсимволуп.
Иахьа Урыстәылатәи Афедерациа, жәларбжьаратәи авторитет змоу, Кавказ аҿы аҭышәынтәалара хәдықәҵара азызуа, насгьы ииашоу адунеизегьтәеиҿкаашьа иацентр хаданы иҟоуп.
Аԥсны Аҳәынҭқарра ажәлар еснагь ахә ҳаракны иршьоит ҳҳәынҭқарра аҿиараҿы Урыстәыла инанагӡо ароль, аҭоурыхтә ииашара аиҭашьақәыргылареи, 2008 шықәсазы ахьыԥшымра азхаҵареи, ашәарҭадареи асоциал-економикатә ҿиареи реиқәыршәараҿы ганрацәалатәи адгылареигьы уахь иналаҵаны.
Агәра ганы сыҟоуп, иаҳзеиԥшу акультуратәи аҭоурыхтәи ҭынха шьаҭас измоу аиҩызаратә еизыҟазаашьақәа ҳажәларқәа рзы ԥхьаҟагьы еиҳа ишыӷәӷәахо, ишыҿио».
