Урыстәылатәи Афедерациа Ахада Владимир Путин ихантәаҩрала ари аусмҩаԥгатә Москватәи Акремль Екатерининтәи азал аҿы имҩаԥысит. Араҟа аплатформа быжь-шықәса ирҭагӡоу аусура аихшьаалақәа ҟаҵан.
Апроект «Урыстәыла – алшарақәа ртәыла» Урыстәылатәи Афедерациа Ахада Владимир Путин Иусԥҟала лаҵарамза 22, 2018 шықәсазы иаԥҵан. Уи аусура аамҭа иалагӡаны ихацыркын 60 инареиҳаны апроектқәа, аконкурсқәеи аолимпиадақәеи уахь иналаҵаны.
Убас, аплатформа ацхыраарала имҩаԥгаз аусмҩаԥгатәқәа иреиуоуп аицлабра «Аԥсны акоманда». Уи «Урыстәыла аԥхьагылаҩцәа» амодель ала инагӡан. Иара хацыркын Урыстәылатәи Афедерациа Ахада Владимир Путин инапынҵала, уи азы аҳәара ҟаиҵеит Аԥсны Ахада Бадра Гәынба.
