Росавиациа Казань аҟынтәи Аҟәаҟа аԥырразы азин ҟанаҵеит.

вчера 1:13

Акьыԥхьра

Росавиациа Казань аҟынтәи Аҟәаҟа аԥырразы азин ҟанаҵеит.

Аҟәа. Лаҵарамза 22, 2025 шықәса. Аԥсныпресс. Аҳаиртә еилазаара «Nordwind Airlines» Казань аҟынтәи Аҟәаҟа аԥырразы азин аиуит. Уи азы аусԥҟа Росавиациа аофициалтә саит аҿы икьыԥхьхеит.

Аусбарҭа асаит аҿы икьыԥхьу адокумент инақәыршәаны, «Северный ветер» Ҭаҭарсҭан аҳҭнықалақь Казань аҟынтәи Аҟәаҟа мчыбжьык ахь хәынтә ареисқәа рынагӡара алшоит. Ареисқәа анхацыркхо атәы аусшәҟәы иарбаӡам. Аха, мшаԥымза анҵәамҭазы Урыстәылатәи Афедерациа атранспорт Аминистрра аҿы иҟарҵоз адыррақәа рыла, Нальчики Аҟәеи аҳаиреимадара рыбжьалараны иҟоуп рашәарамза 4 инаркны.

Лаҵарамза 1 инаркны Аԥсни Урыстәылеи рыбжьара 33 шықәса раахыс аԥсуа-қырҭуатә еибашьра иахҟьаны еиԥҟьаны иҟаз аҳаиремадара еиҭашьақәыргылан. Аҳаирбаӷәаза «Внуково» аҟынтәи Аҟәаҟа ареис нанагӡеит ҭаҭартәи аҳаиртә еилазаара «ЮВТ Аэро» аҳаирплан. 50-ҩык апассаџьарцәа зҭаз аҳаирплан аҳауа иалан 3 сааҭки 40 минуҭи инарзынаԥшуа.

Уажәы Росавиациа аҳаиртә еилазаара «ЮВТ Аэро» Москвеи Нальчики рҟынтәи Аҟәаҟа ареисқәа рынагӡаразы азин анаҭеит. Аҳаиртә еилазаара «Nordwind» Аҟәаҟа иԥырлоит ақалақьқәа Казани Уфеи рҟынтәи. Аҳаиртә еилазаара «Икар» ареисқәа Нижни Новгород — Аҟәа рынагӡаразы азин аҭоуп.

Read 31 times

Иҵегь ари акатегориаҟны « Аҳәынҭқарра Ахада азинхьчаратә усбарҭақәа рнапхгаҩцәа рыхшыҩ азишьҭит русеицура арӷәӷәара аҭахны ишыҟоу. Аҟәатәи Ашьхарыуаа рышкол №10 иалгеит 120-ҩык аушьҭымҭацәа. »

Хыхь

«	Лаҵара 2025					»
Ашә	Аҩа	Wed	Thu	Fri	Sat	Sun
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

АЖӘАБЖЬҚӘА

Росавиациа Казань аҟынтәи Аҟәаҟа аԥырразы азин ҟанаҵеит.