«Урыстәылеи Аԥсни ртәылауаа ҳабацәа, ҳабдуцәа – рхы ақәҵаны, амыҟәмабарақәа рыхганы анацизм ԥыххаа иқәызҵаз аибашьра иалахәызи атыл аҟны аџьа збози хыԥхьаӡара рацәала ауаа ргәалашәара ҳаҭырла иныҟәыргоит, ирхашҭӡом», — иазгәеиҭеит В. Путин. Урыстәылатәи Афедерациа Ахада иаҵшьны иҳәеит «аиашьаратә еиҩызареи аицхыраареи рытрадициа бзиақәа» ҳтәылақәа рыбжьара аидгыларатәии астратегиатәии усеицура арҿиара уасхырс ишамазаауа.

Ҷыдала азеиӷьашьарақәа ҟаҵоуп адныҳәалараҟны аветеранцәа рзы. Путин урҭ «иҭабуп» ҳәа реиҳәоит, ирзеиӷьаишьоит «агәабзиара, агәамч, ақәранҵыра ду».