Жәларбжьаратәи афорум мҩаԥысуеит  мшаԥымза 28 – 29 рзы Урыстәылеи Белоруссиеи Реидгылара Апарламенттә Еизара аԥшьгарала ақалақь-фырхаҵа Волгоград. Уи рхы аладырхәуеит Ихьыԥшым Аҳәынҭқаррақәа Реидгыла, Азиа, Лаҭынтәи Америкеи Европеи рҟынтәи апарламенттә делегациақәа, ауаажәларратә усзуҩцәа, анаукатә еилазаара ахаҭарнакцәа, иара убас жәларбжьаратәи аекспертцәа.

Иахьа Ареспублика Аԥсны Жәлар Реизара-Апарламент аделегациа Александр Невски ихьӡ зху акафедралтә ныхабаа иаҭааит.

Афорум аҳәаақәа ирҭагӡаны атематикатә секциақәа ҩба русура азԥхьагәаҭоуп: «Азеиԥш ҭоурыхтә гәалашәара ахьчареи аиқәырхареи», иара убас «Аҭоурыхтә дырра ашьаҭала апатриоттә ааӡара».  Аԥсны Жәлар Реизара-Апарламент аделегациа иарбоу асекциақәа русура алахәхара азԥхьагәаҭаны иамоуп.

Жәларбжьаратәи афорум мшаԥымза 29 рзы имҩаԥгахо «Аҭынха ду — еицаҳзеиԥшу аԥеиԥш» ҳәа хыс изауо аихшьаалатә пленартә еилатәарала ихыркәшахоит.