​Москватәи аспециалистцәа аҟәатәи рколлегацәа рыцны Ешба имҩала игылоу ауадарацәа змоу аҩнеихагыла №185 ахаҿратә ганқәа реиҭашьақәыргылара иалагеит.   

Ешба имҩа – ареспублика аҳҭнықалақь мраҭашәарантәи узлалало амҩа хада ауп.  Ақалақь уахьналало игылоу аҩнеихагылақәа рҭеиҭыԥш  – Аҟәа асасцәа зегьы раԥхьаӡа рылаԥш заахо акакәны иҟоуп.

Аҳҭнықалақь Ахадара ааглыхратә альпенистцәа адыԥхьаланы аҩнқәа ҩба рхаҿратә ганқәа реиҭашьақәыргылара мҩаԥнагахьеит. Аха уи даара ахарџь ду зцу усуроуп.

Иҷыдоу атехника аҟазаара аусура акыр иармариоит.  

Шьаҭанкылатәи аиҭшьақәыргылара Афонд ахаҭарнакцәа ишеиҭарҳәаз ала, аҩнеихагыла №185 ахаҿратә ганқәа реиҭашьақәыргылара Иахьа Москва ақалақь аҿы инарҭбаау ахархәара змоу  иҿыцу атехнологиақәа, аполимер-цементтә еиларшьқәа рхархәарала имҩаԥгахоит.  Уи аҩны адәныҟатәи аҭеиҭыԥш аиӷьтәра адагьы, уи атехникатә ҟазшьарбақәа – аԥхаранкылара, абжьыхәаҽыга аиӷьтәра алнаршоит.