Алхырҭатә ҭыԥ аҿы иҟоуп абжьыҭира амҩаԥысшьа иахылаԥшуа анаԥшыҩцәа. Акамера шыску ангәарҭа, урҭ араҟа аҭыхра шыҟамло азы азгәаҭа ҟаҵо исыдгылеит, аха аккредитациатә аршаҳаҭга андсырба ашьҭахь сара абжьыҭиара амаӡара аилгарада, абиуллетенқәа рхарҭәаара апроцесс ҭымхыкәа, азеиԥш ҭыхымҭақәа рыҟаҵаразы азин сырҭеит.  

Анаԥшыҩ Сабина Долбаиа алхыҩцәа иаадырԥшуа активра азгәалҭеит.  10-тәи алхратә ҭыԥхада аҿы асааҭ  14:00 рзы рыбжьы арҭахьеит асиа иану алхыҩцәа реиҳараҩык. Алхратә Ҭыԥхада аатит ашьыжь, асааҭ 08:00 рзы, шьыжьы инаркны иаауа иалагаз алхыҩцәа рыдыркылоит . Абри асааҭ азы аилагарақәа аарԥшӡам.

Сара сгәылацәеи сқыҭауааи алхрақәа рылахәхара иаҵоу аҵакы ахадара еилыркаауеит. Абиуллетенқәа рҿы иқәгылоуп хә-ҩык акандидатцәа, алхыҩцәа доусы еиҳа иалыркааз, зыпрограмма еиҳа иргәаԥхаз, еиҳа ирзааигәоу далырхыртә азы азини алшареи рымоуп.  Лӡаа ақыҭа аҿы инхо ауааԥсыра иалырхуа Аҳәынҭқарра Ахада Аԥсни уи ажәлари реизҳазыӷьара азы еффективла аус иулоит ҳәа агәыӷра рымоуп.