Иахьа ишьақәгыланы иҟоу имариам жәларбжьаратәи аҭагылазаашьақәа раан, ҳара ҳзы ихадоу адгыдаҩыс иҳамоу, ҳастратегиатә партниор – Урыстәылатәи Афедерациа аус ацура арӷәӷәара хымԥадатәиуп. Ҳара иҳалшо зегьы ҟаҳҵароуп ҳҳәынҭқарра аҿиареи аҭышәынтәалареи рзы.

Аҳәара ҟасҵоит, жәабранмза 15 рзы алхырҭатә ҭыԥқәа рҿы шәнеины доусы даԥсоуп ҳәа ишәыԥхьаӡо акандидат шәыбжьы ишәҭарц!» – ҳәа иҟаиҵаз ааԥхьара аҿы иазгәеиҭеит Бадра Гәынба.

*** Алхрақәа раламҭалазтәи Аԥсны жәлар рахь иҟаиҵаз ааԥхьара аҿы Аҳәынҭқаррахь акандидат Адгәыр Арӡынба иҳәеит: «Ҳара шәара шәоуп ҳзықәгыӷуа! Ҳара аолигархцәа ҳадгылаӡам, ҳзхықәгәыӷуа ҳауаажәлар мацара роуп!»

«Жәабранмза 15 рзы милаҭрацәала еилоу Аԥсны жәлар Аҳәынҭқарра Ахада, апрограмма, акоманда мацара алхра адагьы, урҭ иалырхуеит ԥхьаҟатәи рԥеиԥш ахь иназго амҩа.

Ҳара ма уаанӡа, аҵыхәтәантәи ашықәсқәа рзы иҟаз ажәларҿагыларатә политика, ҳҳәынҭқарратә шьақәгылара адевальвациа иазырхаз аполитика, абыргцәа, ҳаҭыр рықәымҵара, аибашьра аветеранцәа, афырхацәа раҳаҭыр аларҟәра, традициала жәытә-натә ишьақәгылахьоу ҳҵакыхадарақәа мап рыцәкра, ҳекономикатә, анаҩс ҳполитикатә хьыԥшымра ҳцәыӡра аазырԥшуа аполитика,   ҳхьыԥшымра ацәыӡра, уи анаҩс ҳажәлар ақәӡаара ашәарҭара иҭазыргыло аполитика ацҵара алаҳхуа, мамзаргьы ихьыԥшым аҳәынҭқарра аргылара, ахақәыиҭреи аҿиареи рымҩа алаҳхуа – ҳара ҳауп уи знапы иаку!».