Аҟәа. Цәыббрамза 26, 2022 шықәса. Аԥсныпресс. Асҭамыр Кациа аихацалакытә разриад ала аплиажтә ԥкьаҭмпыл азы Краснодартәи атәылаҿацә ачемпионат аҿы аиааира игеит, ҳәа адырра ҟанаҵоит аҿари аспорти русқәа рзы аҳәынҭқарратә Еилакы. Ачемпионат Дагомыс ақалақь аҿы, цәыббрамза 20 инаркны цәыббрамза 24 аҟынӡа имҩаԥысуан.
Асҭамыр Кациа жәиԥшь шықәса роуп ихыҵуа, уи аа-шықәса ҵуеит ари аспорт хкы ала иҽазыҟаиҵоижьҭеи. Лаҵарамза, 2022 шықәса рзы уи дахыԥхьаӡалахеит Адлертәи аԥкьаҭмпыл азы акоманда, араҟа рҽазыҟарҵоит Урыстәыла зҽаԥсазтәыз азыҟаҵаҩцәа Татиана Зининеи Роман Петрунини рнапхгарала.
