Ахәыҷқәа рхы иара убас ахәыҷтәы арлахҿыхратә Центр «Мамбу» аҿы акрыфара еиҿкаан. Уаҟа ахәыҷқәа ргәы дырҿыхеит аниматорцәагьы.
Аныҳәа агәаларшәага аҳасабала Ахәаахәҭра-ааглыхратә Палата ахьӡала ахәыҷқәа иранашьахеит аҳамҭақәа.
вчера 22:51
Ахәаахәҭра-ааглыхратә Палата Очамчыратәи ашкол-интернат ашколхәыҷқәа рзы аныҳәа еиҿнакааит.
Аҟәа. Ԥхынҷкәынмза 26, 2024 шықәса. Аԥсныпресс. 2025-тәи Ашықәс Ҿыц аламҭалазы Аԥсны Ахәаахәҭра-ааглыхратә Палата традициала ишышьақәгылахьоу еиԥш акциа «Ҳара ҳхәыҷқәа» еиҿнакааит. Уи Очамчыратәи ашкол-интернат аҟынтәи 56-ҩык ашколхәыҷқәа рзы аныҳәа амҩаԥгара еиҿнакааит. Сынтәа аинтернат иҭоу ахәыҷқәа Аҟәа ақалақь Ахақәиҭра Ашҭаҿы игылоу аԥсаҵла Хада иаҭааит. Ахәыҷқәа даара иргәаԥханы иахәаԥшуан араатәи аҩычара. Анаҩс ахәыҷқәа рыхәҭак акерамикатә студиа «Rama» ахь ицеит, уаҟа урҭ напыла арԥшьшьара рҽазыршәеит, аҟазара класс рзымҩаԥыргеит, егьырҭ – аресторан «Rossini» ахь апицца аҟаҵаразы аҟазара-акласс иаҭаарц ицеит.
