Аиԥылара аҿы атәылауаа ареспублика аҩныҵҟа еиԥш уи анҭыҵгьы рыхәышәтәра афинансыркра ацҵара аҵакы ахадара азгәаҭан.
11.Ԥхынҷкәын.2024
Едуард Быҭәба: ахәышәтәырҭа дуқәа рҿы агенераторқәа аус руеит.
Аҟәа. Ԥхынҷкәынмза 11, 2024 шықәса. Аԥсныпресс. Атәыла агәабзиарахьчара аминистр инапынҵақәа назыгӡо Едуард Быҭәба Аԥсны аԥыза-министр инапынҵақәа назыгӡо Валери Бганба диҿцәажәо ишьақәгылаз аенергетикатә кризис аан ареспублика амедицинатә усбарҭақәа русура азы адырра ииҭеит.
Иара иазгәеиҭеит ахәышәтәырҭа дуқәа зегьы рҿы агенераторқәа аус шыруа, иара убас, агәабзиарахьчара Аминистрра ишамоу еиҭаҵуа адизельтә генератор, уи иаҭахха азы иарбан медицинатә усбарҭазаалакгьы афымцамч ала аиқәыршәара алшоит.
