Абиблиографиатә еилыркаа

Виктор Илиа-иԥа Маланӡиа диит ԥхынҷкәынмза  10, 1958 шықәса рзы Аҟәа ақалақь аҿы. Далгеит аҟәатәи абжьаратәи ашкол №13.  1976 шықәсазы  дҭалеит Аҟәатәи арҵаҩратә Институт абиологиа-географиатә факультет, 1981 шықәсазы  абиолог, ахимик ҳәа аквалификациа иоуит.  1981 – 1985 шш. иара Ахалшентәи, анаҩс Тамшьтәи ашколқәа рҿы абиологиеи ахимиеи рырҵаҩыс аус иуан. 1988 шықәсазы Виктор Маланӡиа Киевтәи аҳәынҭқарратә Университет азоологиа акафедра аҿы аспирантура далгеит.  1991 шықәсазы иара Украина Асоветтә Социалисттә Республика Анаукақәа Ракадемиа азоологиа Аинститут аҷыдалкаатә Хеилак аҿы «Орнитофауна Абхазии и её охрана» атемала акандидаттә диссертациа ихьчеит.  1988 шықәса инаркны Виктор Илиа-иԥа ААУ аус иуан, адисциплинақәа рыла алекциақәа дрыԥхьон.  1994 шықәса инаркны иара абиологиа-географтатә фыкультет адеканс аус иуан, 2002 шықәсазы  аҵаратә усура азы апроректорс дҟаҵан. 1998 шықәса инаркны  Виктор Илиа-иԥа ашьхаратә ҵакырақәа рекологиа Аинститут аҿы аусуреи Ауниверситет аҿы аусуреи еилеигӡон. Виктор Маланӡиа инаукатә интерессқәа рахь иаҵанакуан афаунистика, аорнитологиа, аекологиа, абиогеографиа, Кавказ абиологиатә хкырацәара аҭҵаареи аиқәырхареи апроблема акыр дазҿлымҳан, иара убас аинтерес икын абиологиа аҿы аинформациатә технологиақәа ртема.  Иара анаукатә конференциақәа жәпакы реиҿкаареи рымҩаԥгареи ихахьы игахьан, убас иара ила еиҿкаан анаукатә конференциа: «Биологическое разнообразие Кавказа» (Сухум, 1999, 2001, 2003), конференция «Экология горных территорий» (Нальчик, 2005, 2007, 2009), «Проблемы изучения и сохранения разнообразия птиц Северного Кавказа и сопредельных регионов» (Сочи -Сухум, 2006).    

Виктор Маланӡиа —60 инарзынаԥшуа анаукатә усумҭақәа дравторуп, амонографиа «Рицинский реликтовый национальный парк» (2005) ацавторра уахь иналаҵаны, иара убас аҵаратә цхыраагӡа «100 концепций современного естествознания» (2 хәҭакны иҟоу, 2006, 2009шш.), аҵара-методикатә материалқәа, иреиҳаӡоу аҵара аусхкы аҿы анорматә усшәҟәқәа, уҳәа дравторуп.