Аҟәа. Цәыббрамза 22, 2022 шықәса. Аԥсныпресс. Цәыббрамза 21 рзы москватәи «Вегас Сити Холл» аҿы имҩаԥысит апрофессионалтә бокс азы ахәылԥаз Shamo Boxing 72 «Уқәԥа, Уаиааи!» мҩаԥысит. Абокс ахәылԥаз аҳәаақәа ирҭагӡаны, Ермантәыла, Урыстәыла, Молдова, Узбекьисҭан, Малава, Аладатәи Африка, Кыргызҭан, уҳәа атәылақәа рҟынтәи аԥышәа змоу абоксиорцәҿа реиԥш, аспортсмен ҿарацәагьы злахәыз жә-еиндаҭларак мҩаԥысит. Аспорттә ԥсҭазаараҿы раԥхьаӡтәи апрофессионалтә еиндаҭлара мҩаԥигеит аԥснытәи абоксиор Герман Арџьениа, уи ԥшь-раундк рыла имҩаԥысраны иҟаз аиндаҭлара аҟны актәи араунд аҿы атехникатә нокаут ала Узбекьисҭантәи аспортсмен Огарбек Темиров дииааит, ҳәа адырра ҟанаҵоит Аԥсны аҿари аспорти русқәа рзы аҳәынҭқарратә Еилакы апресс-маҵзура.
Азыҟаҵаҩ Елизбар Џьологәуа иажәақәа рыла, аиндаҭлара ҟалаанӡа 15 мшы шыбжьаз аппонент дрыԥсахыр акәхеит. Узбекисҭантәи абоксиор, аспорт азҟазарахь акандидат аринг ахь дцәырҵит икьаҿу ардырра ала.
Герман Арџьениа – Аԥсни Урыстәылеи аспорт азҟаза, Урыстәыла аԥхьахәгарақәа рҿы араӡнымедали аџьаз мадали згахьоу, Афедералтә Округ Хада аԥхьахәгарақәа рҿы араӡны медал згахьоу ачемпион, Москватәи аобласть аԥхьахәгара аҿы аиаарагаҩы, Асовет Еидгыла аспорт азҟазацәа Гьаргь Блаби Мартирос Нагулиани ргәалашәара иазкны имҩаԥгаз жәларбжьаратәи атурнирқәа рҿы аиаара згахьоу, Арцах имҩаԥгаз жәларбжьаратәи атурнир аиааирагаҩ, иарбоу атурнирқәа рҿы иреиӷьу абоксиор ҳәа дазхаҵан.
Герман Арџьениа – азыҟаҵаҩцәа Елизбар Џьологуаи Едгар Қриеи.
