Аҟәа. Абҵарамза 28, 2024 шықәса. Аԥсныпресс. Абҵарамза 23, 2024 шықәса рзы Очамчыра араион Гәыԥ ақыҭан, ироуз аоперативтә дырра ахархәарала, азинхьчаратә усбарҭақәа русзуҩцәа иааныркылеит Урыстәыла атәылауаа Павел Копцеви Владислав Лисови, ҳәа адырра ҟанаҵоит Аҳәынҭқарратә шәарҭадара Амаҵзура апресс-маҵзура.
Иҟоу адыррақәа рыла, иарбоу ахаҿқәа ашьауӷатә шьҭазаара рҽацәырыхьчарц, аԥаршеи шәҟәқәа рхы иархәаны ареспубликахь иааит. Анаҩс дара закәаншьаҭада атәыла ауааԥсыра рыбжьаҟазарыла аԥсуа-ақырҭуатә ҳәаа ахысра ргәы иҭан.
Иҟоу адыррақәа рыла, Павел Копцев Украина Афедералтә шәарҭадара Амаҵзура анапынҵала Урыстәыла иахьаҵанакуа адиверсиатә уснагӡатәқәа рымҩаԥгара иҽазыҟаиҵон, ахәҭакахьала, арҭҟәацгақәа зҭаҵәаху аԥырҩы дызҭам аԥырратә аппаратқәа реизгара даҽын. Владислав Лисов аррамаҵзура дахьахысуаз аҭыԥ ныжьны дыбналеит. Уигьы Урыстәылатәи Афедерациа иахьаҵанакуаз ишьҭазаара хацыркын.
Иаанкылаз Аԥсны аҳәынҭқарратә шәарҭадара Амаҵзура ахь инаган, анаҩс урҭ апартниортә каналқәа рыла Урыстәыла Афедералтә шәарҭадара Амаҵзура ахь ииаган.
