Аҟәа. Абҵарамза 25, 2024 шықәса. Аԥсныпресс. Аԥсны Аконституциатә ӡбарҭа Ареспублика Аԥсны Аконституциа 30-шықәса ахыҵра иазкны 1-тәи Аԥснытәи азиндырратә амчыбжь мҩаԥнагоит.
Уи аҳәаақәа ирҭагӡаны иазԥхьагәаҭоуп абарҭ аусмҩаԥгатәқәа рымҩаԥгара:
– III Жәларбжьаратәи анаука-практикатә конференциа «Иаарту амчра: ашьақәгылареи аусуреи рыпроблемақәа» (ААУ азиндырратә факультети Аԥсны Анаукақәа Ракадемиа иатәу Аекономикеи азини Ринститути еицеиҿыркаауеит);
– Жәларбжьаратәи анаука-практикатә конференциа «Ареспублика Аԥсны Аконституциа – 30 шықәса ахыҵра: аихшьаалақәа, иҿыцу ахыдҵақәеи аҿиара аперспективақәеи» (ААУ азиндырратә факультети Аԥсны Анаукақәа Ракадемиа иатәу Аекономикеи азини Ринститути еицеиҿыркаауеит);
– Ареспублика Аԥсны Аконституциатә ӡбарҭеи А.А. Тибилов ихьӡ зху Аахыҵ-Уаԥстәылатәи аҳәынҭқарратә Университети рыбжьара Амеморандум анапаҵыҩра;
– Ареспублика Аԥсны Аконституциатә ӡбарҭа аиубилеитә Дарранҵа аӡыргара;
– Ареспублика Аԥсны Аконституциатә ӡбарҭа аԥҵара аҭоурых иазку адокументалтә фильм аӡыргара;
– А.А. Тибилов ихьӡ зху Аахыҵ-Уаԥстәылатәи аҳәынҭқарратә Университет адокументалтә фильм аӡыргара;
– XX ашәышықәса инаркны иахьа уажәраанӡа аҭоурыхтә зинтә усшәҟәқәа рфотоцәыргақәҵа.
