Атурнир акыр ҵуеит атрадициатә ҟазшьа аиуижьҭеи. Борис Греков иҳаҭыр азы аицлабрақәа рымҩаԥгара иалагеит иара иԥсы анҭазгьы, уажәы урҭ еиҿикаауеит иара иҵаҩы, иааӡамҭа, Урыстәыла зҽаԥсазтәыз азыҟаҵаҩ Николаи Павлов.
25.Абҵара.2024
Асовет Еидгыла зҽаԥсазтәыз азыҟаҵаҩ Борис Греков игәалашәаразы» абокс азы Урыстәылазегьтәи аицлабрақәа мҩаԥысит Москва ақалақь аҿы.
Аҟәа. Абҵарамза 25, 2024 шықәса. Аԥсныпресс. Асовет Еидгыла зҽаԥсазтәыз азыҟаҵаҩ Борис Греков игәалашәаразы» абокс азы Урыстәылазегьтәи аицлабрақәа абҵарамза 18-24 рзы Москва ақалақь аҿы имҩаԥысит, ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы.
Сынтәа 57 инареиҳаны Урыстәыла арегионқәа рҟынтәи 251-ҩык рҟынӡа абоксиорцәа иарбоу аицлабрақәа рхы аладырхәит.
13 шықәса зхыҵуа арԥарцәа рыбжьара аиааира ргеит аԥснытәи аспортсменцәа: Владислав Шульгин актәи аҭыԥ ааникылеит, Гьаргь Гындиеи Инал Хәырхәмали аџьазтә аԥхьахәқәа ргеит.
Аицлабрақәа реихшьаалақәа рыла, аспортсменцәа рыхҩык Урыстәыла еизгоу аиуниортә команда аилазаара иалалеит.
Аспортсменцәа азыҟарҵоит азыҟаҵаҩцәа Аслан Ахба, Едуард Депелиан, Давид Аҩӡба, Беслан Адлеиба, Владимир Шульгин.
