Аусбарҭа анапхгаҩы ишиҳәаз ала, аҽаҩраҭагалара аамҭа нҵәаанӡа иазыԥшуп 37 нызқь тонна ацитрустә шәыр алгара. Ас еиԥш аҽаҩра бзиа иара убас анхамҩақәа иҷыдоу аҳәынҭқарратә программала ахәшәтәыгақәа рыла иахьеиқәыршәахаз иабзоурахеит. Беслан Џьопуа иазгәеиҭеит амандаринқәа рыдагьы сынтәа афеихоа, апатырқал, ахәырма уҳәа рыҭиразы аҭагылазаашьа аиӷьхара иаҿуп, иҳәеит урҭ ралгаразы макьана аҳәынҭқарратә ҳәааҟны уадаҩра шыҟам.

Аҳазалхратә еилак ахантәаҩы ин.н. Оҭар Хьециа адырра ҟаиҵеит ацитрустәқәа рҽаҩра аҭагалара аламҭалазы аҳазалхратә усбарҭа аусуҩцәеи ацитрустәқәа рзы аекспертцәа хадақәеи реиԥылара шымҩаԥысыз азы. «Урҭ ргәаанагарақәеи рзыҳәарақәеи урыстәылатәи ҳколлегацәа ираҳартә иҟаҳҵеит, даргьы ҳаргьы ҳаилибакааит», - ҳәа иҳәеит Оҭар Хьециа. Аусбарҭа анапхгаҩыгьы ишьақәирӷәӷәаны иҳәеит  ацистрцсқәа ралгаразы аҳәынҭқарратә ҳәааҟны уадаҩра шыҟам.

Аҳәаахьчаратә отриад аиҳабы Рустам Латипов иҳәеит аҳәаахьчара иадҳәалоу амаҵзурақәа зегьы ркоррдинациатә хеила шаԥҵоу. Урҭ урыстәылатәи ҳколлегацәагьы даргьы русеицурала оперативла ицәырҵуа апроблемақәа рыӡбара алыршахоит.

Ахада ин.н. Гәынба Бадра аҩныҵҟатәи аусқәа рминистр ин.н. Роберт Киут инапы ианиҵеит ашәарҭадара амаҵзурақәа русура арӷәӷәара ацитрустә шәыр мҩанызго ахаҿқәа иҟалар зуа ауадаҩрақәа ирыцәцаразы.

Аҳәынҭқарра Ахада ин.н. ақыҭанхамҩа аминистр ин.н. инапы ианиҵеит ауааԥсыра аалыҵ адкыларҭақәа рзы аинформациа иҵегьы инарҭбааны рылаҳәара, иара убас аусбарҭақәа зегьы ирыдиҵеит ақыҭанхамҩатә аалыҵ аазрыхуа рҽаҩра аҭираҟны ацхыраара рыҭаразы рҽеимаданы аусура мҩаԥыргаларц.