Аҳәынҭқарра Ахада адырра риҭеит иаарласны даҽазныкгьы атәылахьчара архәҭақәа дырҭаараны дшыҟоу азы.
Аилатәара аихшьалақәа рыла Аҳәынҭқарра Ахада аҳәынҭарратә усбарҭақәа, иазгәаҭоу аҿҳәара инақәыршәаны, иақәнагоу адҵақәа риҭеит.
22.Цәыббра.2022
АСЛАН БЖЬАНИА АШӘАРҬАДАРА АМАҴЗУРА АИЛАТӘАРА МҨАԤИГЕИТ.
Аҟәа. Цәыббрамза 22, 2022 шықәса. Аԥсныпресс. Аҳәынҭқарра Ахада Ашәарҭадара амаҵзура аилатәара мҩаԥигеит.
Иахьа имҩаԥысит Аԥсны Аҳәынҭқарра Ахада Аслан Бжьаниа хантәаҩра ззиуаз Ашәарҭадара амаҵзура аилатәара. Аилатәараҟны иалацәажәеит ишьақәгылаз адәныҟаполитикатә ҭагылазаашьа уадаҩ инамаданы, ареспублика ашәарҭадара азҵараа.
Аҳәынҭақарра Ахада дазыӡырҩит Аԥсны Аҳәынҭқарра Арбџьар мчқәа рыштаб Хада Аиҳабы, Атәылахьчара аминистр актәи ихаҭыԥуаҩ Васили Лунев иажәахә. Уи иуадаҩхаз аҭагылазаашьаҿы арбџьар мчқәа реидкылара иазкын.
