Аҟәа. Абҵарамза 5, 2024 шықәса. Аԥсныпресс. Жьҭаарамзазы ашәахтә шәатәқәа раҳасабала Аԥсны абиуџьет иалагалахеит 1 млрд 76 млн. 877,3 нызықь мааҭ. Убри аан, планла иазԥхагәаҭан 828 млн. 989,3 нызықь мааҭ. Жҭаарамзазы аплан анагӡара 130% рҟынӡа инаӡеит, ҳәа адырра ҟанаҵоит Аԥсны ашәахтәқәеи аизгақәеи рзы Аминистрра аофициалтә саит.
2024 шықәса 10 мыз рыла ашәахтә шәатәқәа раҳасабала Аԥсны абиуџьет иалагалаз аԥаратә хархәагақәа рзеиԥш еицҵалыҵ 5 млрд. 276 млн. 965,6 нызықь мааҭ рҟынӡа инаӡоит. Убри аан планла иазԥхьагәаҭан 4 млрд. 528 млн. 619,1нызықь мааҭ. Азԥхьагәаҭаратә рбагақәа рҟынтәи анагӡара 117% рҟынӡа инаӡеит.
2024 шықәса 10 мыз рыла араионқәа рҿы ашәахтә шәатәқәа ралагалара абасала ишьақәгылеит:
Аҟәа ақалақь аҿы – планла иарбаз 2 млрд. 110 млн. 004,0 нызықь мааҭ аан, фактла иалагалахеит 2 млрд. 426 млн. 907,5 нызықь мааҭ, мамзаргьы даҽакала иуҳәозар - 115%;
Гагра араион – планла иарбаз 1 млрд. 471 млн. 750,5нызықь мааҭ аан, фактла иалагалахеит 1млрд. 632 млн. 201,8 нызықь мааҭ, мазаргьы дыҽакала иуҳәоза - 111%;
Гәдоуҭа араион – планла иарбаз 476 млн. 765,1 нызықь мааҭ аан, фактла иалагалахеит 543 млн. 410,6 нызықь мааҭ, мамзаргьы даҽакала иуҳәозар - 114%;
Аҟәа араион – планла иарбаз 92 млн. 519,6 нызық мааҭ аан, фактла иалагалахеит 166 млн. 127,5 нызықь мааҭ, мамзаргьы даҽакала иуҳәозар - 180%;
Гәылрыԥшь араион – планла иарбаз 122 млн. 194,5 нызықь мааҭ аан, факла иалагалахеит 188 млн. 737,7 нызық мааҭ, даҽакала иуҳәозар - 154%;
Очамчыра араион – планла ишьақәыргылаз 172 млн. 647 нызықь мааҭ аан, фактла иалагалахеит 209 млн. 099,2 нызықь мааҭ, мамзаргьы даҽакала иуҳәозар –121%.
Тҟәарчал араион – планла ишьақәыргылаз 30 млн. 819,2 нызықь мааҭ аан, фактла иалагалахеит 46 млн. 794,9 нызықь мааҭ, мамзаргьы даҽакала иаҳәозар - 152%.
Гал араион – планла ишьақәыргылаз 51 млн. 919,2 нызықь мааҭ аан, фактла иалагалахеит - 63 млн. 686,4 нызықь мааҭ, мамзаргы даҽакала иуҳәозар - 123%.
