«Ҳара ҳреспублика аганахьала Аԥсни Аахыҵ Уаԥстәылеи рхьыԥшымреи рсуверенитети разхаҵара – акырӡа ииашоу ихымԥадатәиу ӡбамҭоуп», – ҳәа аҳәамҭа ҟаиҵеит Уго Чавес. 

Боливариантәи Ареспублика Венесуела Аԥсны ахьыԥшымреи асуверенитети шазханаҵаз азы аофициалтә шәҟәынҵа ԥхынгәымза, 2010 шықәсазы Венесуела иҟаз аԥснытәи аделегациа ирыҭан.

Ареспублика Аԥсни Ареспублика Венесуелеи  рыбжьара адипломаттә еизыҟазаашьақәа шьақәыргылан. Иара убас анаҩстәи аусеицуразы аиқәшаҳаҭрақәа рнапаҵыҩра мҩаԥган. Аԥсни Венесуелеи ирыбжьоу аимабзиаратәи аиҩызаратәи еизыҟазаашьақәа аҿиара иаҿуп.