Аҟәа. Цәыббрамза 4, 2024 шықәса. Аԥсныпресс. 2024 шықәса аамз рыла Ареспублика Аԥсны абиуџьет ашәахтә шәатәқәа раҳасабала иалагалахеит 3 млрд, 495 млн. 428,4 нызықь мааҭ. Убри аан планла иазԥхагәаҭан 3 млрд 67 млн. 489,0 нызықь мааҭ, ҳәа адырра ҟанаҵоит ашәахтәқәеи аизгақәеи Рминистрра апресс-маҵзура.
Азԥхьагәаҭаратә рбагақәа рҟынтәи анагӡара 114% рҟынӡа инаӡеит. Азԥхьагәаҭаратә рбагақәеи фактла иҟоу ашәахтә лагалақәеи рыбжьара аицҵалытә еивгара 427 млн. 939,0 нызықь мааҭ рҟынӡа инаӡоит. 2023 шықәсазы аиԥш-зеиԥшу аамҭахәҭа иаҿырԥшны алагалара адинамика 120% рҟынӡа инаӡеит, уи аицҵалыҵ 593 млн. 193,9 нызықь мааҭ рҟынӡа инаӡоит.
2024 шықәса аамз рыла араионқәа рҿы ашәахтә шәатәқәа ралагалара абасала ишьақәгылеит:
Аҟәа ақалақь аҿы – планла иарбаз 1 млрд. 555 млн. 922,7нызықь мааҭ аан фактла иалагалахеит 1 млрд. 701 млн. 961,3 нызықь мааҭ, даҽакала иуҳәозар - 109%;
Гагра араион аҿы – планла иарбаз 876 млн. 913,37 нызықь мааҭ аан фактла иалагалахеит 980 млн. 231,4 нызықь мааҭ, даҽакала иуҳәозар - 112%;
Гәдоуҭа араион аҿы – планла иарбаз 277 млн. 671,7 нызықь мааҭ аан фактла иалагалахеит – 327 млн. 484,9 нызықь мааҭ, даҽакала иуҳәозар - 118%;
Аҟәа араион аҿы – планла иарбаз 66 млн. 579,8 нызықь мааҭ аан фактла иалагалахеит – 120 млн. 880,2 нызықь мааҭ, даҽакала иуҳәозар - 182%;
Гәылрыԥшь араион аҿы – планла иарбаз 87 млн. 508,8 нызықь мааҭ аан фактла иалагалахеит - 111 млн. 994,7нызықь мааҭ, даҽакала иуҳәозар - 128%;
Очамчыра араион аҿы – планла иарбаз 143 млн. 899,4 нызықь мааҭ аан фатла иалагалахеит – 164 млн. 664,7 нызықь мааҭ, даҽакала иуҳәозар - 114%;
Ҭҟәарчал араион аҿы – планла иарбаз 23 млн. 409,4 нызықь мааҭ аан фактла иалагалан – 39 млн. 320,1 нызықь мааҭ, даҽакала иуҳәозар - 168%;
Гал араион аҿы – планла иарбаз 35 млн. 583,9 нызықь мааҭ аан фактла иалагалан – 48 млн. 891,1 нызықь мааҭ, даҽакала иуҳәозар - 137%.
