Атәыла амҩақәа рҿы аҭагылазаашьа ахылаԥшҩы Хада амчратә структурақәеи азинхьчаратә усбарҭақәеи ахатәы еилазаара ахаҭарнакцәа рыла рхатәы транспорти амаҵзуратә транспорти рныҟәцараан амҩатә ԥҟарақәа реилагара залмыршахароуп ҳәа инаҵшьны иазгәеиҭеит. Дамеи Аҩӡба аилатәара иалахәыз ареспублика аиахьаҵанакуа амҩатә машәырқәа инарыдҳәаланы ишьақәгылаз аҭагылазаашьа, иара убас амҩа-транспорттә машәыртә хҭысқәа рыҟалара иамоу амзысқәа рзы адырра риҭеит.
Аилатәара иалахәыз зегьы Арратә Автоинспекциа, Аҳәынҭқарратә шәарҭадара Амаҵзура, Аҳәынҭқарратә хьчара Амаҵзура ахаҭарнакцәа алархәны ареидқәа реицымҩаԥгара апрактика алагалара ахәҭоуп ҳәа агәаанагара аҿы еиқәшаҳаҭхеит.
Аҭыԥқәа рҿы аҩныҵҟатәи аусқәа Рминистрра иатәу Автоҳәынҭинспекциа ахаҭарнакцәа рааԥхьарала амаҵзурақәа рнапхгаҩцәеи ахатәы еилазаареи реиҿцәажәарақәа рымҩаԥгаразы аӡбамҭа рыдыркылеит.
Иара убас амчратә структура, мамзаргьы азинхьчаратә усбарҭа аусзуҩ ила азинеилагара азы апкаанҵеи егьырҭ аматериалқәеи ирыцу ашәҟәы ахкьыԥхь иарбоу аҭагылазаашьа анаҩс ахылаԥшра аҭаразы Аԥсны Аҳәынҭқарра Арратә Прокуратура ахь идәықәҵалахарц азы аӡбамҭа адкыларазы ажәалагала ҟаҵан.
