Изҭаху зегьы ирыдыргалоз аалыҵқәа ргьама абара рылшон. Араҟа ицәырган аҭыԥантәи афатә аалыҵқәа: европатәии еиԥш аҭыԥантәи ашә ахкқәа, ацха, зхаҭабзиара ҳараку ашәыри ауҭраҭыхи, акарпыжәқәа, ашьынкақәа, уҳәа убас иҵегьы хкы-хкыла ирацәаны.
«Ас еиԥш иҟоу ацәыргақәҵатә хәаахәҭра Аԥсны ақыҭанхамҩа иҭышәынтәаланы аҿиара иаҵоу аҵакы ахадара аадырԥшуеит. Ҳара ҳфермерцәа зхаҭабзиара ҳараку аалыҵ аҭыжьразы иахәҭоу адыррақәеи аԥышәеи рымоуп, Еиду Амилаҭқәа Реиҿкаара афатә-ажәтә, ақыҭанхамҩатә еиҿкаара (ФАО ООН) апроекттә офис ахыдҵақәа иреиуоуп дара иарбоу ахырхарҭала адгылара рыҭара», – ҳәа иҳәеит апроекттә офис ахада Гагик Исаджаниан.
Амшцәгьа шыҟазгьы ацәыргақәҵатә хәаахәҭра аҭааҩцәа ицәыргаз аалыҵ ахәшьара аҭареи аҭыжьыҩцәа рыҿцәажәареи рылшеит.
Еиду Амилаҭқәа Реиҿкаара афатә-ажәтә, ақыҭанхамҩатә еиҿкаара (ФАО ООН) апроекттә офис ахаҭарнакцәа Афон Ҿыци ацәыргақәҵатә хәаахәҭра аиҿкаареи амҩаԥгареи зхы алазырхәыз, уи қәҿиарала амҩаԥысра зыбзоуроу зегьы иҭабуп ҳәа рарҳәоит.
Аусмҩаԥгатә Еиду Амилаҭқәа Реиҿкаара афатә-ажәтә, ақыҭанхамҩатә еиҿкаара (ФАО ООН) апроекттә офис изаамҭанытәиу апроектқәа: «Аԥсны ақыҭақәа рыҿиара азы Европатәи атәылақәа Реидгылеи-Еиду Амилаҭқәа Реиҿкаареи (ЕС-ООН) еицынарыгӡо апрограмма», «Ақыҭатә еилазаарақәа ринтересқәа ирықәшәо ақыҭанхамҩақәеи абнақәеи иҭышәынтәалоу рыҿиара», Агентра «Еиду Амилаҭқәа Реиҿкаара-Аҳәса» алархәны инагӡахо апроект «Аҳәса аҩнытә ахш-харҵәытә аалыҵ аҭыжьра аҿы адгылара рыҭара» рынагӡара аҳәаақәа ирҭагӡаны имҩаԥысит.
