«ММА» азы Аԥсны еизгоу акоманда азыҟаҵаҩ Ҭемыр Какалиа, Дауҭ еихьӡара, иара ихаҭа иҽазҵәылхны иҽазыҟаҵареи иазыҟаҵаҩцәа идырбалаз аџьабааи ирылҵшәахеит ҳәа инаҵшьны иазгәеиҭеит.
Аԥсны «MMA» Аидгылара Афедерациа апрезидент Ҭеимураз Гергедаа убасҵәҟьа аспортсмен аиааира идиныҳәалеит. Убри аан иара ас еиԥш аихьӡарақәа ареспублика аҿы «ММА» ҳәа изышьҭоу аидаҭларақәа рыҿиара азы акырӡа аанагоит ҳәа иазгәеиҭеит.
«MMA» — еилоу астильқәа рыла ишьақәгылоу ҩыџьа-ҩыџьа реиндаҭларақәа ауп, англыз бызшәахьынтә mixed martial arts иаагоуп.
