Афестиваль аартра иазкны имҩаԥысыз аконцерт еиднакылеит Карл Орф икантатеи «Кармина Бурана» Пиотр Чаиковски исимфониатә поемеи  «Франческа да Римини». Амузыкатә рҿиамҭақәа Москватәи аҳәынҭқарратә академиатә симфониатә оркестри А.А. Иурлов ихьӡ зху Аҳәынҭқарратә академиатә хортә капеллеи рыла аиаарту ажәҩан аҵаҟа инагӡан. Асолотә партиақәа нарыгӡеит Атеатр Ду Аҿартә оператә программа артистка Елизавета Нарсиа (сопрано), Атеатр Ду ахь ааԥхьара змоу асолист Анджеи Белецки (баритон), Аопера Ҿыц асолист Алеқсандр Богданов (тенор).

Аҩбатәи афестивальтә мшы арегион ауааԥсыреи асасцәеи иқәыԥшу артистцәа, еиуеиԥшым жәларбжьаратәи аконкурсқәа рлауреатцәа рабадырра азы алшара роуит.  Азыӡырҩцәа Енджел Станислав Вонга (фортепиано, Еиду Америкатә Аштатқәа), Шарль Ределле (валторна, Франциа), Аугусто Велио Палумбо (фагот, Италиа), Франческо Солинас (баритон, Италиа), Мартина Гресииа (сопрано, Италиа) рықәгылара рбеит.

Аклассикатә музыка аныҳәа «Аҭынчра аҵакыра – амузыка аҵакыра» ахыркәшаратә аккордны иҟалеит Хьыбла Герзмаа лсолотә концерт.  Аконцерттә программа аҿы игеит адунеи аҿы еицырдыруа  аоператә шедеврқәа, иара убас урыстәылатәии асоветтә аамҭазтәи авокалтә классика алыԥшаахқәа.

«Ари аныхабаа сара даҽазныкгьы гәахәара дула саҭаауеит.  Сара гәаҳәара дуны исымоуп аорӷан ацырҳәарала ақәгылара», – ҳәа еиҭалҳәоит Хьыбла Герзмаа. – Афестиваль ахԥатәи амш азы  аиҿкааҩцәа рыгәҭакқәа рыла еиуеиԥшым  амузыка ала ақәгыларақәа азԥхьагәаҭан: ариақәа, аоперақәа рҟынтәи аувертиурақәа, иара убас ҳара зегьы бзиа иаабо ашәақәа.  Аконцерт даара аԥхарра аҵаны имҩаԥысит: илыԥшааху апрограмма, зеиӷьаҟам Москватәи Аҳәынҭқарратә Академиатә симфониатә оркестр, иналукааша адирижиор Антон Гришанин».

Иҟоу адыррақәа рыла, хымш рыла Калининград имҩаԥысуаз афестиваль иаҭааит  6000-ҩык инареиҳаны ахәаԥшцәа.

Афестиваль мҩаԥысуеит Урыстәылатәи Афедерациа акультура Аминистрра, Калининградтәи аобласт Анапхгара, Калининградтәи аобласт акультуреи атуризми Рминистрра, «Росконцерт» иҟарҵаз адгылара иабзоураны.

Афестиваль аиҿкаара рхахьы иргеит – Автономтә Икоммерциатәым Аиҿкаара «Фестивальная дирекция», Автономтә Икоммерциатәым Аиҿаара «Новый век», Калининградтәи Аобласт Аҳәынҭқарратә Автономтә Усбарҭа «Акафедралтә ныхабаа».

Еиҳа инарҭбаау аинформациа аиуразы : https://culture.gov.ru/press/news/v_kaliningrade_zavershilsya_festival_territoriya_mira_territoriya_muzyki/