Атеатр ихьа уажәраанӡа ахатәы хыбра маӡам. Уи аамҭала Акультуратә центр «Абаза» аҿы иҟоуп.  Аспектакльқәа ррепетициақәеи рықәыргылареи рзы аҿартә театр атруппа Самсон Ҷанба ихьӡ зху аҳәынҭқарратә драматә театр асцена рыҭахоит.  

Аԥхьанатә Аҿартә театр аҿы ишьақәырӷәӷәан 12 - ҩык аусзуҩцәа рыштат.

Атеатр арепертуар аҿы  иҟоуп абарҭ аспектакльқәа:

Шьоҭа Ҷкадуа ипиеса «Акьанџьа» ала аспектакль «Аԥсуаа, ҳара ҳаԥсыуаауп!»; Артур Лорентса ипиеса «Вестсаидтәи аҭоурых» амотивқәа рыла иқәыргылоу аспектакль  «Амра анҭашәалак ашьҭахь»; Баграҭ Шьынқәба ироман «Ацынҵәарах» ала иқәыргылоу еихьӡылоу аспектакль «Ацынҵәарах»; Жан Ануиа ипиеса ала иқәыргылоу еихьӡылоу аспектакль «Антигона»; Антон Чехов илаф-комедиа  «Амшә» ала иқәыргылоу аспектакль «Амшә»; Бронислав Нушич ипиеса ала иқәыргылоу аспектакль «Аҳкәажә аминистрԥҳәыс» (Госпожа министерша»); Едуардо Де Филиппо ипиеса ала – «Ауаҩи аџьентельмени»; Димитрас Псафас ипиеса ала – «Амцҳәаҩ даҭахуп»; Александр Вампилов ипиеса ала – «Аԥа еиҳабы»; Дырмит Гәлиа ирҿиамҭа ала – «Анаурқәа»; Федерико Гарсиа Лорки ипиеса ала – «Ишьаарҵәыроу ачара; Џьулио Скарниччии Ренцо Тарабузи рыпиеса ала – «Ашьҭра ду змоу асиниор». .