Сынтәа 26-ҩык аԥсуа абитуриентцәа, урҭ рахьтә ԥшьҩык аҭыԥҳацәа ҭалеит Урыстәыла аҩнуҵҟатәи аусқәа Рминистрра иатәу еиуеиԥшым аҵараиурҭақәа. Акурсантцәа аҵара рҵалоит Волгоградтәи, Омсктәи, Нижегородтәи академиақәеи Краснодартәи ауниверситети рҿы.

Аҵараиурҭақәа рҭаларазы абитуриентцәа абаҩарҵәреи аҭоурыхи аурыс бызшәеи рзы адкыларатә ԥышәарақәа рҭиит. Урыстәылатәи Афедерациа аҩныҵҟатәи аусқәа Рминистрра иатәу Воронежтәи Аинститут иҭалоз инацҵаны аматеатикеи афизикеи рзы аԥышәарақәа рҭиир акәхеит. Аԥышәарақәа рнаҩсан дара ҩымчыбжь аруаҩ қәыԥш изы акурсқәа ирхысуан ҳәа аанацҳауеит аусбарҭа.

Амилициа аинрал-маиор Роберт Киут иҟаиҵаз адныҳәаларатә ажәахә аҿы ишазгәеиҭаз еиԥш, аҭоуба ашьҭаҵара  – акурсантцәа зегьы рыԥсҭазаараҿы акырӡа зҵазкуа мшны иҟоуп.

«Аҭоуба ашьҭаҵара ҳаҭырла азнеира ҳажәлар атрадициақәа рҿы ишьаҭаркуп.  Аҭоуба – ари ужәлар рыхьчара ушазхиоу азы ажәа анҵара ауп», – ҳәа иҳәеит аминистр.