Аҟәа. Нанҳәамза 8, 2024 шықәса. Аԥсныпресс. Нанҳәамза 4 инаркны нанҳәамза 11-нӡа Нижни Новгород аҿы аҳәаанырцә инхо урытәылатәи аџьынџьуаа иреиуоу аурыс бызшәеи алитературеи рырҵаҩцәа рзы азанааҭтә дырра аҩаӡара ашьҭыхразы акурсқәа мҩаԥысуеит.
Аусмҩаԥгатә аҿы еизеит 10-тәылак рҟынтәи аурыс бызшәа арҵаҩцәа. Аԥсны ахьӡала уи лхы алалырхәуеит Очамчыра араион Гәыԥтәи абжьаратәи ашкол аурыс бызшәеи алитературеи рырҵаҩы Ирма Коӷониа. Уи ари аусмҩаԥгатә лылахәра алыршахеит Урыстәыла аус ацура азы Аԥсны иҟоу Ахаҭарнакра абзоурала.
Акурсқәа рыпрограмма иазԥхьагәанаҭоит Нижни Новгород иҟоу иԥхьагылоу аҵараиурҭақәа хԥа рҿы: Минин ихьӡ зху Новосибирсктәи Аҳәынҭқарратә Арҵаҩратә Университет (НГПУ), Лобачевски ихьӡ зху Нижегородтәи Аҳәынҭқарратә Университет (ННГУ), Добролиубов ихьӡ зху Алингвистикатә Университет (НГЛУ) рҿы акурсқәа рымҩаԥгара.
Иара убас апрограмма иалагалоуп еиуеиԥшым амастер-классқәеи аекскурсиақәеи.
Арҵаҩцәа рзанааҭтә дырра ашьҭыхра азы акурсқәа реиҿкаара рхахьы иргеит Урыстәыла аус ацура Ахаҭарнакреи Нижегородтәи аобласть Анапхгареи.
