Заанаҵтәи аусеилыргара ишышьақәнаргылаз ала, ԥхынгәымза 17, 2024 шықәса, асааҭ  13:30 инарзынаԥшуа, Џьансыхә Адлеиба Жәлар Реизара-Апарламент ахыбра азааигәара, ауаажәларра ахьеизаз аҭыԥ аҿы дшыҟаз, уаҟа змаҵуратә уалԥшьа назыгӡоз азинхьчаратә усбарҭақәа русзуҩцәа рганахьала амцабџьар аҟынтәи дхысит.  

Џьансыхә Адлеиба иара убри аҽныҵәҟьа Амҩа-ԥыԥшратә Ҭыԥ «Ешыра» аҿы даанкылан.

Ԥхынгәымза 19, 2024 шықәса рзы Аҟәатәи ақалақьтә ӡбарҭа аҿы Џьансыхә Нанба ихьырхәра аҳасабала  30 мшы, даҽакала иуҳәозар, нанҳәамза 17, 2024 шықәсанӡа ирбаандаҩра азы аӡбамҭа рыдыркылеит.