Аҟәа. Ԥхынгәымза 17, 2024 шықәса. Аԥсныпресс. Ԥхынгәымза 16, 2024 шықәса рзы Аҟәатәи ақалақьтә ӡбарҭа аҿы аӡбаҩ Ҭырқьба Е.П. ихантәаҩрала имҩаԥысуаз аилатәара аҿы, Аҳәынҭқарратә Еилакы «Аԥсныбылтәы» уаанӡатәи ахада Аҩӡба Беслан Иван-иԥа иганахьала ахарадҵатә зыӡба атекст иаԥхьеит.
Уи харас идырҵон имаҵура ихы иархәаны аа-епизодк рыла аҳәынҭқарратә мазара еимиҵәеит ҳәа, иара убас Аҳәынҭеилахәыра амазара 146 959 196 мааҭ мцҳәарыла еимиҵәеит ҳәа, адырра ҟанаҵоит Апрокуратура Хада аофициалтә саит.
Ирыдыркылаз ахарадҵаратә хыркәша инақәыршәаны, Беслан Аҩӡба «Аԥсныбылтәы» иатәыз 147 млн мааҭ еимиҵәеит ҳәа ахара идырҵеит. Аӡбамҭа азыӡба ала Беслан Аҩӡба имазара зегьы имхны 12 шықәса иџьбароу арежим ала аҭакра иқәҵоуп.
Азарал зауз аган иаланаҵаз атәылауаҩратә зыҳәара ахәҭакахьала инагӡоуп. Уи аицҵалыҵ 144 млн. 172 нызқьи 826 мааҭ рҟынӡа инаӡоит.
Аӡбарҭа Аҩӡба Б.И. иганахьала иаднакылаз азыӡба нагӡахоит уи азакәантә мчы анаиулак ашьҭахь.
Аҩӡба Б.И. 2016 – 2020 шш. Аҳәынҭқарратә Еилакы «Аԥсныбылтәы» анапхгаҩыс иҟазараан, имаҵура ихы иархәаны аа-епизодк рыла аҳәынҭқарратә мазара еимиҵәеит ҳәа, иара убас аҳәынҭеилахәыра амазара 147 млн. мааҭ рҟынӡа мцҳәарыла еимиҵәеит ҳәа ахара идҵоуп, ахьырхәрагьы дақәыршәоуп
