Аҟәа. Ԥхынгәымза 10, 2024 шықәса. Аԥсныпресс. Аҟәатәи ашьха аҿы иҟоу аӡыршә ареставрациа ашьҭахь ҩаԥхьа аусура иалагеит. Аҟәа ауааԥсыреи асасцәеи ари убла хызкуа аҭыԥ аҿы рыԥсшьы ршьо иалагахьеит.
Амуниципалтә Усбарҭа «Ақалақьргыларапроект» адиректор ихаҭыԥуаҩ Инал Ҭарба ишиҳәаз еиԥш, ареставрациатә усурақәа аетапқәа рыла еихшан: раԥхьа аӡхагаларатә станциа азы ахыбра ргылахеит, аӡеикәшара азы амаругақәа шьақәыргылан, шьаҭанкыла аӡымҩангагатә шәырақәа ԥсахын. Анаҩс аӡыршә аӡшьарҭра аҩныҵҟа аҵарԥхара асистема шьақәдыргылеит. Арестовраторцәа уи аԥхьанатә иамаз архитектуратә ҭеиҭыԥш аиқәырхара рҽазыршәеит, уи азы елементқәак ҿыц идырҭәеит.
«Аӡыршә акәша-мыкәша иҟоу аҵакыра зегьы аиқәыршәазаара мҩаԥгоуп. Аӡыршә иаакәыршаны абетон шьҭаҳҵеит, арлашагақәа шьақәыргылоуп, арымӡқәеи аҟьамсарҭрақәеи дыргылеит, ариаҵәаратәи ашьацыркратәи аусурақәа мҩаԥгоуп», - ҳәа иҳәеит Инал Ҭарба.
Аӡыршә ареставрациеи уи акәша-мыкәша иҟоу аҵакыра аиқәыршәазаареи рзы аусурақәа ԥхынгәымза 5 азы ихыркәшахеит.
Апроект ахарџьынҵа 5 млн. мааҭ иреиҳауп.
