Аҟәа. Рашәарамза 26, 2024 шықәса. Аԥсныпресс. Урыстәыла аӡбаратә анагӡаҩцәа Рфедералтә Маҵзура адиректор Дмитри Аристови Аԥсны аиустициа аминистр Анри Барцыци Петербургтәи жәларбжьаратәи азиндырратә форум аҳәаақәа ирҭагӡаны аҩганктәи аусеицуразы Амеморандум рнапы аҵарҩит, ҳәа адырра ҟанаҵоит «РИА Новости».
Дмитри Арсҭааи Анри Барцыци аусеицуразы Ахылаԥшырҭақәа аҩганктәи русеицура азы амеморандум рнапы аҵарҩит. Аиԥш зеиԥшу аусшәҟәы Дмитри Аристови Аахыҵ Уаԥстәыла аиустициа аминистр Алан Џьиоеви рнапы аҵарҩит.
Петербургтәи жәларбжьаратәи азиндырратә форум мҩаԥысуеит Урыстәыла Аҩадатәи аҳҭнықалақь аҿы рашәарамза 26-28 рзы, уи атема хаданы иҟоуп азин - аглобалтә еиҟарара аҳасабала. Афорум традициала еиднакылеит еиуеиԥшым атәылақәа рҟынтәи зыхьӡ нагоу азиндырҩцәа, аполитикцәа, аусутә еилазаарақәеи ауаажәларратә еиҿкаарақәеи рхаҭарнакцәа.
