Аштабтә зыҟаҵара аопеативтә ҵакы змоу Аԥсны араионқәа рҿы аҭагылазаашьа аҭышәынтәалара, атерриториалтә хьчара, астратегиатә ҵакы змоу ҭыԥқәа, аинфраструктура аобиектқәа аԥырҩы дызҭам аԥырратә аппаратқәа рҟынтәи рыхьчара хықәкы хадас иамоуп.
Аштаб ала ҷыдала ахшыҩзышьҭра аҭахоит Аԥсны арратә шәарҭадара ашьақәыргыларазы Урыстәылатәи Афедерациа Арбџьармчқәа аҟәшеиҵақәа алархәны арратә зыҟаҵарақәа реицынагӡара аиҿкаара.
«Арратә ҽазыҟаҵарақәа ареспублика аҵакыра зегьы амҽханакуеит», - ҳәа адырра ҟанаҵоит атәылахьчара Аминистрра апресс-маҵзура.
Атәылахьчара Аминистрреи Арбџьармчқәа Рыштаб Хадеи архәҭақәа рыштабқәеи иазԥхьагәаҭоу адҵақәа зегьы адәаҿы, уахгьы-ҽынгьы инарыгӡалоит.
Аштабтә арратә зыҟаҵарақәа иадыԥхьалахоит атәылахьчара Аминистрреи Арбџьармчқәа Рыштаб Хадеи араионқәа ртерриториалтә хьчара аштабқәа, есымша арратә гәҽанызаараҿы иҟоу арратә хәҭақәа, арезервтә еиҿкаарақәа, иара убас амчратә структурақәа рыҟәшеиҵақәа.
