Аҟәа. Рашәарамза 12, 2024 шықәса. Аԥсныпресс. Аҳәынҭқарра Ахада Аслан Бжьаниа Владимир Путин Урыстәыла Амш идиныҳәалеит.
Адныҳәаларатә шәҟәаҿы ахәҭакахьала иҳәоуп:
«Ҳаҭыр зқәу Владимр Владимир-иԥа!
Гәык-ԥсык ала ишәыдысныҳәалоит аҳәынҭқарратә ныҳәа хада - Урыстәыла Амш!
Урыстәыла - зқьышықәсалатәи аҭоурых змоу хыԥхьаӡара рацәала ажәларқәа, акультурақәа, адинхаҵарақәа еидызкыло тәыла дуӡӡоуп. Абри аныҳәамш аҽны атәыла аҿацәқәа зегьы рыҟны ибеиоу аҭынха абеиарақәа азгәарҭоит. Урыстәыла дарбан тәылауаҩзаалак иуалны идуп - Аԥсадгьыл амчра аиқәырхареи аихаҳареи, хәы змаӡам аҵасқәа рыхьчара.
Аԥсны ахә ҳаракны иршьоит аиҩызареи аилибакаареи шьаҭас измоу Урыстәылатәи Афедерациеи Аԥсны Аҳәынҭқарреи реидгылара. Агәра згоит аԥхьаҟагьы аҿиара шроуа наҟ-ааҟ феида змоу аусеицуратә ҟазшьала имҩаԥысуа арҭ аизыҟазаашьақәа.
Владимир Владимир-иԥа, ишәзеиӷьасшьоит ахирра, аҭынчра, аиааира ҿыцқәа Урыстәыла ажәлар реизҳазыӷьаразы шәусураҿы».
