Аҟәа. Рашәарамза 6, 2024 шықәса. Аԥсныпресс. Ареспубликатә Унитартә Наплакы «Амшынеиқәафымцамч» адиректор Хада ихантәаҩы Ҭенгиз Гирџьынба аԥыза-министр Алеқсандр Анқәаб аиҭашьақәыгыларатә усурақәа рцашьа азы адырра иҭеит.
Астанциа атрансформатортә мчхара азымхара иахҟьаны аӡынра афымцадәыӷба аиасраан ауааԥсыра афымцамч рызнагара аҿы инацҵаны аԥкрақәа алагалахон, уи Цандрыԥшьи Гьиачрыԥшьи инхо ауааԥсыра акыр иаргәамҵуан.
«Амшынеиқәфымцамч» аспециалистцәа атрансформатор шьаҭанкыла аиҭашьақәыргылара мҩаԥыргеит. Уажәы астанцеиҵа «Цандрыԥшь» аҿы аушьҭраеиқәыршәаратә усурақәа мҩаԥысуеит. Урҭ рхыркәшара ҳазҭоу рашәарамза нҵәаанӡа иазԥхьагәаҭоп.
Уи аамышьҭахь, Ҭенгиз Гирџьынба иажәақәа рыла, аихамҩа азааигәара инхо ауааԥсыра афымцамч ала реиқәыршәара ахаҭабзиара акыр еиӷьхароуп.
Заанаҵтәи азгәаҭарақәа рыла, имҩаԥысуа аиҭашьақәыргыларатә усурақәа рхарџь - 65 млн. мааҭ рҟынӡа инаӡоит. Ареспубликатә биуџьет аҟынтәи уи иазоуџьхеит 10 млн. мааҭ, Гагра араион абиуџьет аҟынтәи – даҽа 10 млн. мааҭ, «Аԥснытәи Аихамҩақәа» иазоунажьуеит 10 млн. мааҭ. Егьырҭ, иаанхаз ахарџьқәа ахахьы иагоит Ареспубликатә Унитартә Наплакы «Амшынеиқәафымцамч».
