Аҟәа. Лаҵарамза 17, 2024 шықәса. Аԥсныпресс. Аԥсны Ахәаахәҭра-Ааглыхратә Палата апрезидент Ҭамила Мерцхәлааԥҳа напхгара зылҭо аделегациа Ҭаҭарҭан Ахада Русҭам Миннинханови Ҭаҭарсҭан Ахәаахәҭра-Ааглыхратә Палатеи рааԥхьарала ҳаҭыр зқу асас иаҳасабала XV Жәларбжьаратәи аекономикатә форум «Урыстәыла – аԥсылман дунеи: KazanForum» аусура ахы аланархәуеит.
Аусмҩаԥгатә мҩаԥысуеит жәларбжьаратәи ацәыргақәҵатә Центр «Казань Экспо» аплошьадка аҿы. Афорум мҩаԥысуеит 2009 шықәа инаркны, 2023 шықәсазы уи Урыстәылатәи Афедерациа Ахада Владимир Путин иӡбамҭала афедералтә статус аиуит.
Аусура алагеит Ҭаҭарсҭан Ахада иԥыларала. Уи, ахәҭакахьала, асасцәа дырԥыло афорум рхы ахьаладырхәыз азы иҭабуп ҳәа реиҳәеит. Убри аан уи ахәаахә-ра-ааглыхратә Палатақәа аусдкылара аҿиара аус аҿы инарыгӡо ароль ахадара инаҵшьны иазгәеиҭеит.
Анаҩс афорум аартра иадҳәалоу аныҳәатә цереониа мҩаԥысит. Уи ихы алаирхәит Ҭаҭарсҭан аԥыза-министр Алеқсеи Песошин.
Иара убр аҽныҵәҟьа, Ҭаҭарсҭан Ахәаахәҭра-Ааглыхратә аконгресс-зал аҿы иаатит 2021 шықәса раахыс «KAZAN SUMMIT» иахәҭакны иҟалаз Ахәаахәҭра-Ааглыхратә Палата Жәларбжьаратәи Афорум. Иреиӷьу аԥышәақәа рыла аимадара азы апленартә дискуссиа алахәылацәа Ҭаҭарсҭан Анапхгара ахьӡала бзиала шәаабеит ҳәа рарҳәеит Аҳәынҭқарратә Хеилак ахантәаҩы Фарид Мухаметшин, Урыстәылатәи Афедерациа Ахәаахәҭра-Ааглыхратә Палата апрезидент Сергеи Катырини Ареспублиа Ҭаҭарсҭан Ахәаахәҭра-Ааглыхратә Палата ахантәаҩы Шамиль Агееви.
Урыстәылеи Аԥсылман усеицура аиҿкаареи жәларбжьаратәи аекономикатә форум "Урыстәыла – аԥсылман дунеи: KazanForum" Казан имҩаԥысуеит лаҵара19-нӡа.
