Атренинг аҿы ишьҭыхыз даҽа ихадоу теманы иҟалеит аӡахәаҭрақәа  рҿы аҵаргәақәа раҳасабала рхы иадырхәо ашпалерқәа. Аексперт  ашпалерқәа рыхкқәа ралхреи аминералтә рҵәырақәеи рзы хра злоу абжьгарақәа ҟаиҵеит.  Емилио Пеиро ихырҳагоу амаҭәашьарқәа разымхара арбагақәа ҷыдала ахшыҩзышьҭра аиҭеит.

Атренинг аҩбатәи ахәҭа аҿы аексперт аӡахәааӡаҩцәа аҵиаақәа реилыхра апроцесс атәы инарҭбааны ирзеиҭеиҳәеит, иара убас урҭ рызҵаарақәа рҭак ҟаиҵеит.   Атренинг иалахәыз ари апрактикатә ԥышәа хра злоу акакәны ирыԥхьаӡеит, избан акәзар, урҭ ирҵаз аметодқәа лабҽаба ахархәашьа рбартә аҭагылазаашьа роуит.

«Ас еиԥш атренингқәа аҭыԥантәи аҩыҭаҭәаҩцәеи аӡахәааӡаҩцәеи рзы ибзиоу платформаны иҟалеит, урҭ анаҩс рхы иадырхәо аԥышәеимадара рыбжьанаҵоит. 2023 шықәсазы  апроект ихнаркәшеит  5 тренингк, сынтәа еиҳаны атренингқәа рымҩаԥгара азԥхьагәаҭоуп», – ҳәа еиҭеиҳәеит апроект аменеџьер Омар Дахдули.

Аусмҩаԥгатәқәа Еиду Амилаҭқәа Реиҿкаара афатә-ажәтәии ақыҭанхамҩатәи Аиҿкаара апроекттә офиси Аԥсны аҩыҭаҭәаҩцәеи аӡахәааӡаҩцәеи Рассоциациеи инарыгӡо апроект «Иҭышәынтәалоу аӡахәааӡареи Аԥсны аендемикатә сортқәа рыхьчареи» («Устойчивое виноградарство и защита эндемичных сортов в Абхазии») аҳәаақәа ирҭагӡаны имҩаԥысит. Прочитано 182 раз. Последнее изменение 17.05.2024.

Источник: https://www.apsnypress.info/ru/home/novosti/item/11343-v-sukhume-proshli-treningi-po-vinogradarstvu.

© АПСНЫПРЕСС.