Аспектакль ажанр «Ахьча Махаз»  - комедиоуп, ахәаԥшыҩ иакәзар, ирацәаны дыччалоит, избан акәзар аспектакль ахы аҵыхәанӡа искандертәи иумор ала игәылҭәаауп. Аха афинал аҿы имҩаԥысуеит ауаа атеатр ахь изханеиуа ахҭыс – аҟазаара иҵауло ашьаҭақәа реилкаара.

Махаз ироль наигӡоит - Саид Лазба, уи иԥшәмаԥҳәыс Маша лроль – Аԥсны Зҽаԥсазтәыз артистка Симона Спафопуло, Шьаликәа ироль  - Аԥсны Зҽаԥсазтәыз артист Џьамбул Жорданиа. Аспектакль аҿы иара убас ихәмаруеит: Милана Ломиа, Лоида Ҭырқьба, Екатерина Барышева, Ирина Делба, Аԥсны Зҽаԥсазтәыз артистцәа Рубен Депелиани Кирилл Шишкини, Лана Гергииа, Леон Ӷәынџьиа, иара убас ахәыҷтәы театралтә студиа «Чик» ааӡамҭацәа.  

Арежиссиор Олесиа Невмержицкаиа ақәыргыламҭа иацылҵоит аԥсуа калорит аелементқәа, жәлар рашәақәагьы уахь иналаҵаны, аха убри аан аспектакль дарбанызаалак ауаҩы иԥсҭазаара злашьаҭарку ахәдуқәа ирызкуп.