Аныҳәатә митинг аҿы Очамчыра араион ахада Беслан Бигәаа еизаз зегьы аныҳәа рыдиныҳәало иазгәеиҭеит: «Сара исҭахуп ҳара зегьы ҳагәқәа рҿы ахаангьы иҿымцәаарц ҳабацәеи ҳабдуцәеи ҳанацәеи ҳашьцәеи ҳаҳәшьцәеи иҟарҵаз афырхаҵара агәалашәара. Ҳара иҳамоуп ҳгәадура здаҳҳәалаша. Ҳара ҳҭоурых еиқәҳархароуп, избан акәзар ҳара –аиааира згаз жәларуп. Ауаа зегьы иахьа ирзеиӷьасшьар сҭахуп аҭычреи аизҳазыӷьареи».
Амитинг ашьҭахь, Аконституциа Ашҭа азааигәара еизаз зегьы рзы адәаҿтәи акрыфара еиҿыркааит. Ахәыҷы-қәыԥштә коллективқәа инарыгӡеит арратә аамҭақәа рзы иаԥҵаз ашәақәа.
