Аҟәа. Мшаԥымза 29, 2024 шықәса. Аԥсныпресс. Иҳаҩсыз аԥсшьарамшқәа раан акциа «Ақьиара Амиссиа» аусмҩаԥгатәқәа Ҭҟәарчал ақалақь аҿы имҩаԥысит. Ақалақь-фырхаҵа акультура Аҩны аҿы иаднакылеит Москватәи аҳәынҭқарратә акультура Аинститут аделегациа.
Ари ахыбра иаразнак асасцәа рыблаҿы иааит, даараӡа иргәаԥхеит. «Азал убри аҟара ииашаны ишьақәыргылоу акустикатә ҟазшьарбагақәа амоууп, уи аҩыза шамахамзар Урыстәылатәи ақалақьқәеа зегьы рҿы иуԥылаӡом», - ҳәа ирҳәеит астудентцәа-авокалистцәа.
Акультура Аҩны асцена аҿы аконцерт программала иқәгылеит Москватәи Аҳәынҭқарратә акультура Аинститут астудентцәеи астудиа «Ахәыҷра» ааӡамҭацәеи. Анаҩс асасцәа бзиала шәаабеит ҳәа раҳәо дықәгылеит араион ахада Исидор Дочиа.
Аамҭак ала Акультура Аҩны аҿы еиуеиԥшым аудиториақәа рҿы имҩаԥысит згәабзиара алшарақәа ԥку ахәыҷқәа рзы амастер-классқәа «Асаркьа аҿы асахьанҵақәа», Акреативтә аԥшьгарақәа ршәыра», иара убас актиортә ҟазара азы Роман Дробот иҟазарҭа.
Москватәи Аҳәынҭқарратә аҟазара Аинститут аволонтиорцәа рҟынтәи ас еиԥш акультуратә программа Аԥсны араионқәа зегьы рҿы имҩаԥысуеит.
Апрограмма «Ақьиара Амиссиа» нанагӡоит Аԥсны иҟоу Урыстәыла аус ацура Ахаҭарнакреи Москватәи Аҳәынҭқарратә аҟазара Аинститути аволонтиортә центрқәа Рассоциациеи.
