АЖӘАБЖЬҚӘА

20.Мшаҧы.2024

Имаҷуи ибжьаратәуи аусдкылара адгылара аҭара апрограмма алахәхара азы азыҳәамҭқәа рыдкылара мҩаԥыслоит мшаԥымза 29 инаркны лаҵарамза 17 аҟынӡа.

Аҟәа. Мшаԥымза  20, 2024 шықәса. Аԥсныпресс. Апрограмма «2024 шықәсазы Ареспублика Аԥсны имаҷуи ибжьаратәуи аусдкылара адгылара аҭара»  анагӡара азы атәыла абиуџьет аҟны иазоужьхоит 100 млн. мааҭ.

Аԥсны аекономика Аминистрра аофициалтә саит аҿы иҟоу адыррақәа рыла, алимит аҳәаақәа ирҭагӡаны еиуеиԥшым аусхкқәа рыла апроектқәа рынагӡара афинснсыркра азԥхьагәаҭоуп:

- анапҟазареи жәлар рнаплакреи – 15 млн. мааҭ;

- ааглыхреи амаҵзурақәеи – 30 млн. мааҭ;

- азеиԥш крыфара – 20 млн. мааҭ;

- атуризм – 35 млн. мааҭ.

Апрограмма рхы аладырхәыр рылшоит Аԥсны ашәҟәы иҭагалоу аиуристтә хаҿқәеи хазхаҭалатәи аусдкылаҩцәеи.

Апрограмма «2024 шықәсазы Ареспублика Аԥсны имаҷуи ибжьаратәуи аусдкылара адгылара аҭара»  анагӡара азы акомиссиа аилатәара аҿы азыҳәамҭақәа рыдкыларазы аҽҳәарақәа шьақәырӷәӷәахеит –  мшаԥымза 29  инаркны лаҵарамза 17 уахь иналаҵаны.  

Азыҳәамҭақәа рыдкылара мҩаԥыслоит Аҳәынҭқарратә инвестициатә Маҵзура аҿы абри аҭыӡҭыԥ ала:  ақ. Аҟәа. Пушкин имҩа, аҩ. 16, абизнес-центр «Гудоу Плаза», 3 аихагыла, аофис 3.3.

Апрограмма алахәхаразы азыҳәаҩ иҟоу аԥҟарақәа ҭҵааны, аусура ахкқәа руак алхны арезиуме еиқәиршәароуп. Анаҩс уи Аҳәынҭқарратә инвестициатә Маҵзура ахь еизгоу аусшәҟәқәеи Апрограмма алахәхаразы азыҳәамҭеи рнагара ихәҭоуп.

Еиҳа инарҭбаау аинформациа асаит: http://mineconom-ra.org/ru/programmy/?ELEMENT_ID=1289 аҿы иҟоуп.  


Read 213 times - Амҽыша, 21 Мшаҧы 2024 15:45
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.