Убас, атеатрқәа Et Cetera, Ацентр «На Страстном» асценақәа рҿы Аурыс драматә театр москватәи атеатралцәа ирыднагалеит ахатәы хитқәа –аублаа рлахьынҵа хьанҭа иахҳәаау Баграҭ Шьынқәба ироман «Ацынҵәарах» («Последний из ушедших»), аҵарауаҩ Марии Киури илызкны Артур Палыги  иҩымҭа «Ашәахәақәа рыҩныҵҟа» («В лучах») рыла иқәыргылоу амоноспектакльқәа, иара убас аспектакльқәа - Жорди Галсеран ипиеса ала иқәыргылоу «Метод», Александр Островски ипиеса ала «Ахаҵа ԥшӡа) («Красавец-мужчина»), Фазиль Искандер ипиеса ала  «Софичка», Федерико Гарсиа Лорки ипиеса ала «Ишьаарҵәыроу ачара» («Кровавая свадьба»).