Аҟәа. Мшаԥымза 12, 2024 шықәса. Аԥсныпресс. Даниил Харчлаа зхы иақәиҭу аиқәԥара азы ахацәа рыбжьара XXVI Жәларбжьаратәи аицлабра «BAIKAL OPEN» аҿы араӡнытә аԥхьахә игеит.
Афинал аҿы Даниил Харчлаа асчиот 4:3 ҳәа диҵахеит Красноиарсктәи аспортсмен Кежик Чымба, ҳәа адыра ҟанаҵоит Аԥсны аҿари аспорти русқәа рзы Аҳәынҭқарратә Еилакы.
Даниил Харчлаа 65 кьыла иҟоу рыбжьара Калининград акоманда ахьӡала дықәгылон.
Аицлабрақәа мшаԥымза 12 - 13 рзы Улан-Уде ақалақь аҿы имҩаԥысуан.
Даниил Харчлаа азыҟаҵаҩ Размик Алабиан иааӡамҭа иоуп. Уажәы Даниил Харчлаа иҽазыҟаиҵоит аҵарагьы иҵоит Калининград ақалақь, аспорттә қәԥара аиндаҭларақәа рзы аолимпиатә резерв азы Ашкол аҿы. Уи напхгара ирҭоит азыҟаҵаҩцәа Виктори Валери Хоџьаеваа.
